Skip to main content
Logo Pfarrverband Ainring
Pfarrei St. Laurentius Ainring

Ainring

Pfarrei Mariä Himmelfahrt Feldkirchen

Feldkirchen

Pfarrei St. Martin Thundorf

Thundorf

Der geheilte Aussätzige

Ihr lieben Leute, hört’s mi o
der Jesus hat was für mi do!
Des is amol a guada Mo,
der was am jeden helfen ko!

Mein Aussatz hat er wegga bracht,
Ganz völlig g’sund hat er mich gmacht,
des hätt si koana je gedacht.
Schauts mi o: Bin i ned a Pracht?

A so a Aussatz is fei bled!
Dei bester Freind, der mog di ned,
moant, dass er si infektioniern tät
wann er a bloß mal mit dir redt!

„Unrein, unrein“ muaßt allwei sagn,
dazu zerrissne G’wander tragn,
koana wui si mit dir vertragn
du deafst di ned amal beklagn!

Denn alle sagn: Dir g’schiehts scho recht!
Denn unser Herrgott ist gerecht.
Wenn der wen schlägt, dann ist der schlecht
Du bist ganz g‘wiss ein schlimmer Knecht!

Und irgendwann glaub’st selber dro:
Irgendwas Bös hat jeder do.
Und jetzad is halt leider so,
dass mi drum koana leidn ko.

Der Jesus hat sich ned geniert,
der hat mich mit der Hand berührt,
und hat mich direkt gleich kuriert:
ganz grauslig schee hab i des g’spürt:

I hab mi wohl g’fühlt wie a Kind,
hab gmerkt: Den Jesus bremst koa Sünd!
Ob des der Aussatz a so findt
und er deshalb so schnell verschwindt?

Beim Jesus musst ned „unrein“ schrein,
für eam san alle Leute rein.
Bei eam deafst du der Liebling sein.
Des kann dich innerlich befrein.

Drum sag i eich, ihr lieben Leit:
Geht’s hin zum Jesus, seids so so g’scheit,
öffnet für ihn die Herzen weit,
am allerbesten glei no heit!